Venus kid watch V2 review

The story

ម៉ាក Venuus បានបង្ហាញនាឡិកាដៃសម្រាប់កុមារម៉ូឌែល Kid Watch V2 ដែលអាចឱ្យអាណាព្យាបាលតាមដានទីតាំងរបស់កូនៗបានគ្រប់ពេលវេលាតាមរយៈបណ្តាញ Apple Find My ដោយមិនចាំបាច់ប្រើប្រាស់ស៊ីមកាត។ ឧបករណ៍នេះក៏មានបំពាក់នូវមុខងារការពារជម្រាបទឹកកម្រិត 5ATM និងថាមពលថ្មប្រើប្រាស់បានរហូតដល់មួយឆ្នាំ។

នាឡិកា Kid Watch V2 ដំណើរការលើប្រព័ន្ធ Find My របស់ Apple ដោយផ្ទាល់ដូចទៅនឹងឧបករណ៍ AirTag ដែលផ្តល់នូវភាពងាយស្រួល មិនទាក់ ឬមានភាពរអាក់រអួលឡើយ។ ការភ្ជាប់ទៅកាន់ទូរសព្ទ iPhone ធ្វើឡើងដោយគ្រាន់តែចុចប៊ូតុង Find My លើនាឡិការហូតដល់បន្លឺសំឡេង រួចចូលទៅកាន់កម្មវិធី Find My លើទូរសព្ទ ជ្រើសរើសពាក្យ Items និងចុចសញ្ញាបូកយកពាក្យ Add Other Item ដើម្បីភ្ជាប់។

ក្រៅពីមុខងារស្នូលក្នុងការតាមដានទីតាំង នាឡិកានេះមានមុខងារជំនួយជាច្រើនទៀតសម្រាប់កុមារ ដូចជាការកំណត់ម៉ោង នាឡិការោទិ៍ និងកន្លែងបង្ហាញថ្ងៃពីថ្ងៃចន្ទដល់ថ្ងៃអាទិត្យ។ នៅផ្នែកខាងស្តាំមានប៊ូតុងសម្រាប់ចុចបញ្ចេញពន្លឺមើលម៉ោងនៅពេលយប់ ហើយកម្រិតការពារទឹក 5ATM អនុញ្ញាតឱ្យកុមារអាចពាក់ត្រូវទឹកភ្លៀង ឬពាក់ហែលទឹកបានដោយសុវត្ថិភាព។

Kid Watch V2 ប្រើប្រាស់ថ្មដូចនាឡិកាទូទៅដែលអាចកាន់បានរយៈពេលមួយឆ្នាំពេញដោយមិនបាច់សាកថ្ម។ ក្នុងករណីទុកភ្លេចនៅក្នុងផ្ទះ អាណាព្យាបាលអាចប្រើមុខងារ Play Sound តាមរយៈកម្មវិធី Find My ដើម្បីឱ្យនាឡិកាបន្លឺសំឡេងងាយស្រួលរក។ នាឡិកានេះមានជម្រើសច្រើនពណ៌សម្រាប់ក្មេងប្រុសនិងក្មេងស្រី ហើយមានដាក់លក់នៅលើទំព័រ Venuus Cambodia។