Kieslect Earbuds Open2 and AI Pod Ora2 review

The story

កាសឥតខ្សែប្រភេទ Open Ear ម៉ូឌែល AI Earbud Open 2 និង AI Pod Oral 2 ត្រូវបានបង្ហាញឡើងជាមួយនឹងការរចនាមិនឈឺត្រចៀក និងអាចស្ដាប់ឮសំឡេងជុំវិញខ្លួនបានក្នុងពេលដំណាលគ្នា។ ផលិតផលទាំងពីរនេះផ្តល់នូវជម្រើសខុសគ្នាបន្តិចបន្តួចលើកម្លាំងថ្ម កម្រិតសំឡេង និងតម្លៃ ព្រមទាំងមានមុខងារបកប្រែភាសា AI ផងដែរ។

កាសប្រភេទ Open Ear ទាំងពីរម៉ូឌែលនេះ ត្រូវបានរចនាឡើងដោយផ្តោតសំខាន់លើផាសុកភាព ដោយពាក់ថ្ពក់ជាប់លើត្រចៀកមិនញុកចូលក្នុងរន្ធត្រចៀកឡើយ ដែលជួយកាត់បន្ថយសម្ពាធ និងមិនធ្វើឱ្យឈឺត្រចៀកទោះបីជាពាក់ពេញមួយថ្ងៃក៏ដោយ។ លក្ខណៈពិសេសនៃការរចនានេះ អនុញ្ញាតឱ្យអ្នកប្រើប្រាស់អាចស្តាប់តន្ត្រី ឬ Podcast បណ្តើរ និងអាចស្តាប់ឮសំឡេងជុំវិញខ្លួនបានបណ្តើរយ៉ាងងាយស្រួល ដែលស័ក្តិសមសម្រាប់ការងារការិយាល័យ ឬការសិក្សា។

សម្រាប់កាសពណ៌ខ្មៅ ម៉ូឌែល AI Earbud Open 2 គឺមានកម្លាំងសំឡេងបាសធ្ងន់ និងសំឡេងច្បាស់ល្អ ព្រមទាំងមានមុខងារ Low Latency ដែលមិនមានភាពរអាក់រអួលសម្រាប់ការលេងហ្គេមឡើយ។ ថ្មរបស់កាសនេះអាចប្រើប្រាស់បានរហូតដល់ ១០ ម៉ោងលើកាសផ្ទាល់ និងសរុបបានដល់ ៣៥ ម៉ោងជាមួយនឹងប្រអប់សាក។ បន្ថែមពីនេះ នៅក្នុងកម្មវិធីរបស់វាមានមុខងារ AI Translation ដែលអាចបកប្រែភាសាបរទេសមកជាភាសាខ្មែរភ្លាមៗចូលមកកាន់ត្រចៀក។

ចំណែកឯកាសពណ៌ស ម៉ូឌែល AI Pod Oral 2 វិញ មានរូបរាងស្រាលជាងមុន និងមានតម្លៃសមរម្យជាង ដោយសារតែទំហំថ្មតូចជាង និងកម្លាំងបញ្ចេញសំឡេងស្រាលជាងម៉ូឌែល AI Earbud Open 2 បន្តិច ប៉ុន្តែនៅតែរក្សាបាននូវសំឡេងបាសធ្ងន់ និងរូបរាងស្រស់ស្អាត។ សម្រាប់អ្នកដែលមានចំណាប់អារម្មណ៍ កាសទាំងពីរម៉ូឌែលនេះ អាចរកទិញបាននៅលើទំព័រ Kisly Cambodia។