Nothing Thai does is good

The story

ភាគីថៃត្រូវបានគេប្រទះឃើញថា បានដកទូកុងតឺន័រចេញពីតំបន់អូរខ្លាឃ្មុំ និងអូរស្មាច់ តាំងពីថ្ងៃទី៤ ខែតុលា កន្លងទៅ ខណៈមូលហេតុនៃការដកនេះមិនទាន់មានការបញ្ជាក់ច្បាស់លាស់ពីស្ថាប័នយោធានៅឡើយទេ។

យោងតាមប្រភពព័ត៌មាន បានឱ្យដឹងថា ការដកទូកុងតឺន័រចេញពីតំបន់អូរខ្លាឃ្មុំ និងអូរស្មាច់ គឺជាការពិតជាក់ស្តែង ប៉ុន្តែមូលហេតុពិតប្រាកដនៅមិនទាន់មានការប្រកាសជាផ្លូវការពីយោធាថៃ ឬពីស្ថាប័នពាក់ព័ន្ធរបស់កម្ពុជានៅឡើយទេ។

ទោះជាយ៉ាងណា គណនីជនជាតិថៃមួយដែលត្រូវបានគេសន្និដ្ឋានថាជាអ្នកជំនាញ បានបកស្រាយថា នេះមិនមែនជាការដកថយទេ ប៉ុន្តែជាយុទ្ធសាស្ត្រថ្មីរបស់បញ្ជាការដ្ឋានភូមិភាគទីពីររបស់ថៃ។ ប្រភពនោះបានលើកឡើងថា ទូកុងតឺន័រមិនអាចទប់ទល់នឹងរថក្រោះបានឡើយ ប្រសិនបើមានការប្រើប្រាស់ ដូច្នេះភាគីថៃនឹងដកទូកុងតឺន័រចេញ ហើយជីកប្រឡាយដែលមានមុខកាត់ទទឹង ៣ ម៉ែត្រជំនួសវិញ នៅលើដីដែលត្រូវបានលើកឡើងថាជាការកាន់កាប់ខុសច្បាប់។

ប្រភពដដែលបានបន្ថែមថា យុទ្ធសាស្ត្រដកទូកុងតឺន័រនេះ ក៏ដោយសារតែកន្លងមកមានពលរដ្ឋខ្មែរ អ្នកមានឥទ្ធិពលលើបណ្ដាញសង្គម កងទ័ពកម្ពុជា និងក្រុម AOT បានចុះទៅថតរូបភាពនិងវីដេអូច្រើន ដែលធ្វើឱ្យភាគីថៃអាម៉ាស់មុខនៅលើឆាកអន្តរជាតិ។ ដូច្នេះ ការដកទូកុងតឺន័ររួចជីកជាប្រឡាយវិញ គឺដើម្បីកុំឱ្យមានការថតរូបភាពបានបន្តទៀត។