Never have I seen train collisions like this

The story

ហេតុការណ៍គ្រោះថ្នាក់រថភ្លើងបុកគ្នាយ៉ាងរន្ធត់មួយបានកើតឡើងនៅក្នុងប្រទេសអេស្ប៉ាញ ដែលបណ្តាលឱ្យមនុស្សចន្លោះពី ៣០ ទៅ ៥០ នាក់បានបាត់បង់ជីវិតភ្លាមៗនៅនឹងកន្លែង។ បច្ចុប្បន្ន អាជ្ញាធរកំពុងធ្វើការស៊ើបអង្កេត ខណៈការសង្ស័យបឋមផ្តោតលើបញ្ហាខូចផ្លូវដែក និងការគ្រប់គ្រងរបស់ក្រុមហ៊ុនហេដ្ឋារចនាសម្ព័ន្ធ។

យោងតាមព័ត៌មានបឋម គ្រោះថ្នាក់នេះបានកើតឡើងក្នុងទម្រង់បុកពីក្រោយ នៅពេលដែលរថភ្លើងស្ថិតនៅលើខ្សែផ្លូវតែមួយដោយមិនអាចគេចចេញពីគ្នាបាន។ ការប៉ះទង្គិចគ្នាយ៉ាងខ្លាំងនេះ បានធ្វើឱ្យទូរថភ្លើងដាច់ចេញពីគ្នា និងធ្លាក់មកលើផ្លូវដែក។

ចំពោះមូលហេតុច្បាស់លាស់ ក្រុមសមត្ថកិច្ចមិនទាន់អាចបញ្ជាក់បាននៅឡើយទេ និងកំពុងស្ថិតក្នុងការស៊ើបអង្កេតបន្ត។ ទោះជាយ៉ាងណា ការសង្ស័យដំបូងត្រូវបានគេសន្មតថា បណ្តាលមកពីការខូចខាតប្រព័ន្ធផ្លូវដែក ដែលធ្វើឱ្យរថភ្លើងធ្វើដំណើរចំខ្សែផ្លូវជាមួយគ្នា។

ទន្ទឹមនឹងនេះ មន្ត្រីជាន់ខ្ពស់ និងថ្នាក់ដឹកនាំកំពុងដាក់ការសង្ស័យលើក្រុមហ៊ុនចាត់ចែងហេដ្ឋារចនាសម្ព័ន្ធមួយឈ្មោះថា adi។ ករណីបែបនេះ មិនមែនទើបតែកើតឡើងជាលើកដំបូងនោះទេ ពោលគឺធ្លាប់បានកើតឡើងម្តងរួចមកហើយនៅលើទីតាំងដដែលនៅក្នុងប្រទេសអេស្ប៉ាញ។