So good

The story

ក្រុមហ៊ុនភេសជ្ជៈពៅកម្លាំង DASH បានរៀបចំកម្មវិធីឧបត្ថម្ភភេសជ្ជៈចំនួន ៥៧៣ កេស រួមជាមួយសម្ភារមួយចំនួន ដើម្បីលើកទឹកចិត្តដល់ក្រុមអ្នកបើកបររថយន្តក្រុង City Bus ដែលបានលះបង់ពេលវេលាផ្ទាល់ខ្លួនក្នុងការបម្រើសេវាដឹកជញ្ជូនប្រជាពលរដ្ឋដោយឥតគិតថ្លៃក្នុងឱកាសបុណ្យទាន។

អ្នកបើកបររថយន្តក្រុង City Bus បានបង្ហាញពីការលះបង់ពេលវេលាជួបជុំក្រុមគ្រួសារក្នុងឱកាសបុណ្យជាតិធំៗ ដូចជាពិធីបុណ្យភ្ជុំបិណ្ឌ និងបុណ្យចូលឆ្នាំ ដើម្បីបំពេញបេសកកម្មបើកបរជូនប្រជាពលរដ្ឋធ្វើដំណើរទៅតាមបណ្តាខេត្តនានាដោយឥតគិតថ្លៃ។ ក្រុមអ្នកបើកបរបានលើកឡើងថា ទាល់តែចប់បេសកកម្មទើបពួកគេអាចឆ្លៀតពេលទៅលេងស្រុកកំណើត និងជួបជុំសាច់ញាតិបាន ប៉ុន្តែពួកគេនៅតែរីករាយក្នុងការចូលរួមបម្រើប្រជាពលរដ្ឋ។

ដោយមើលឃើញពីការហត់នឿយ និងគុណតម្លៃនៃការលះបង់របស់ក្រុមអ្នកបើកបរ ក្រុមហ៊ុនភេសជ្ជៈពៅកម្លាំង DASH បានរៀបចំកម្មវិធីលើកទឹកចិត្ត ដោយបានឧបត្ថម្ភភេសជ្ជៈចំនួន ៥៧៣ កេស ព្រមទាំងសម្ភារតូចៗមួយចំនួនដល់អ្នកបើកបរទាំងអស់ ដើម្បីជួយផ្ដល់កម្លាំងដល់ពួកគេក្នុងការបំពេញកាតព្វកិច្ចការងារឱ្យបានរលូន។

ការចូលរួមជួយឧបត្ថម្ភ និងការយល់ដឹងពីទុក្ខធុរៈរបស់អ្នកបើកបរ City Bus ពីសំណាក់ក្រុមហ៊ុនភេសជ្ជៈពៅកម្លាំង DASH ត្រូវបានចាត់ទុកថាជាសកម្មភាពដ៏ល្អមួយក្នុងការដឹងគុណ និងគាំទ្រដល់អ្នកដែលកំពុងបំពេញភារកិច្ចយ៉ាងសកម្មដើម្បីបម្រើសង្គមជាតិ មុនពេលពួកគេបានត្រឡប់ទៅជួបជុំគ្រួសាររៀងៗខ្លួន។