Kieslect Biokoop

The story

ម៉ាក Kisley បានណែនាំខ្សែដៃតាមដានសុខភាពឆ្លាតវៃ Bio Loop ក្នុងតម្លៃប្រមាណជាង ៧០ ដុល្លារ ដែលត្រូវបានរចនាឡើងយ៉ាងពិសេសសម្រាប់អ្នកហាត់ប្រាណ ដើរ និងហែលទឹក។ ឧបករណ៍នេះបំពាក់ដោយសេនស័រមានកម្រិតសុក្រឹតខ្ពស់ ព្រមទាំងអាចប្រើប្រាស់បានរហូតដល់កន្លះខែសម្រាប់ការសាកថ្មមួយលើក។

ខ្សែដៃ Bio Loop អាចតាមដានសុខភាពជាប់ជាប្រចាំ ២៤ ម៉ោង ដោយវាស់ស្ទង់ការដុតបំផ្លាញកាឡូរីពេលហាត់ប្រាណនៅក្លឹបហាត់ប្រាណ និងរាប់ចំនួនជំហានដើរប្រចាំថ្ងៃ រួចផ្ញើព័ត៌មានលម្អិតបង្ហាញលើទូរសព្ទដៃ។ លើសពីនេះ ឧបករណ៍នេះមានមុខងារ One Tap Measurement ដែលអនុញ្ញាតឱ្យអ្នកប្រើប្រាស់ចុចតែមួយដងដើម្បីវាស់កម្រិតសុខភាពសំខាន់ៗចំនួនបីក្នុងពេលតែមួយ រួមមាន ចង្វាក់បេះដូង កម្រិតអុកស៊ីសែនក្នុងឈាម និងកម្រិតស្ត្រេស។

ក្រៅពីការហាត់ប្រាណលើគោក ខ្សែដៃនេះមានកម្រិតការពារទឹក 3 ATM ព្រមទាំងមុខងារ Swim Mode ដែលអាចពាក់ហែលទឹក និងកត់ត្រាចំនួនកាឡូរី ចម្ងាយ និងរយៈពេលនៃការហែលបានយ៉ាងច្បាស់លាស់។ នៅពេលយប់ វាក៏អាចតាមដានដំណេក ដោយកត់ត្រាម៉ោងគេង ម៉ោងភ្ញាក់ និងបង្ហាញទិន្នន័យនៃការស្តារកម្លាំងឡើងវិញផងដែរ។

ដោយសារតែពុំមានបំពាក់អេក្រង់ដូចជានាឡិកាឆ្លាតវៃទូទៅ Bio Loop មានទម្ងន់ស្រាល និងប្រើប្រាស់សម្ភារគុណភាពខ្ពស់ដែលផ្ដល់ផាសុកភាពពេលពាក់។ ការមិនមានអេក្រង់នេះ ក៏ជួយឱ្យថ្មរបស់វាអាចកាន់បានយូររហូតដល់ពីរសប្ដាហ៍។ បច្ចុប្បន្ន ផលិតផលនេះមានដាក់លក់នៅលើទំព័រ Kisley Cambodia។