Mibro Fit Review

The story

នាឡិកាវៃឆ្លាត Mi Pro Fit ត្រូវបានដាក់បង្ហាញជាមួយនឹងរូបរាងទាក់ទាញស័ក្តិសមសម្រាប់នារី ដោយបំពាក់អេក្រង់ HD AMOLED និងមុខងារសុខភាពព្រមទាំងកីឡាយ៉ាងសម្បូរបែប។ ឧបករណ៍នេះដំណើរការលើម៉ាស៊ីនរហ័ស ព្រមទាំងមានមុខងារ Bluetooth Calling ដែលផ្តល់ភាពងាយស្រួលខ្ពស់សម្រាប់ការប្រើប្រាស់ប្រចាំថ្ងៃ។

នាឡិកា Mi Pro Fit ត្រូវបានរចនាឡើងយ៉ាងផ្ចិតផ្ចង់សម្រាប់មនុស្សស្រី ដោយបំពាក់អេក្រង់ធំប្រភេទ HD AMOLED ដែលផ្តល់នូវកម្រិតពន្លឺ និងពណ៌ច្បាស់ដិតល្អ ព្រមទាំងដំណើរការរលូននៅពេលបញ្ជាកម្មវិធីផ្សេងៗ។ នាឡិកានេះភ្ជាប់មកជាមួយខ្សែចំនួនពីរជម្រើស គឺខ្សែដែកអ៊ីណុក (Stainless Steel) ដែលផ្តល់នូវភាពថ្លៃថ្នូរ និងខ្សែជ័រសម្រាប់ផ្លាស់ប្តូរនៅពេលទៅកន្លែងហាត់ប្រាណ ឬលេងកីឡា។

ផ្នែកមុខងារសុខភាព នាឡិកានេះមានសេនស័រវាស់ចង្វាក់បេះដូង កម្រិតស្ត្រេស អុកស៊ីសែនក្នុងឈាម និងការតាមដានដំណេក។ ចំពោះសកម្មភាពកីឡា នាឡិកានេះមានសមត្ថភាពការពារជម្រាបទឹកដែលអាចពាក់ពេលត្រូវភ្លៀង ឬហែលទឹកបាន ព្រមទាំងមានមុខងារ GPS សម្រាប់តាមដានទិន្នន័យជាក់លាក់ដូចជា ការជិះកង់ រយៈពេល ចម្ងាយផ្លូវ និងកាឡូរីដែលបានដុតបំផ្លាញ។

ក្រៅពីនេះ វាក៏មានមុខងារ Bluetooth Calling សម្រាប់ទទួលការហៅទូរស័ព្ទដោយផ្ទាល់ និងមុខងារ Barometer សម្រាប់វាស់សម្ពាធខ្យល់នៅពេលឡើងភ្នំផងដែរ។ បច្ចុប្បន្ន នាឡិកាវៃឆ្លាត Mi Pro Fit មានដាក់លក់ជូនអតិថិជននៅហាង Mi Pro Cambodia សម្រាប់អ្នកដែលចង់បាននាឡិកាមានគុណភាព និងស័ក្តិសមទាំងការហាត់កីឡាព្រមទាំងការតុបតែងខ្លួនប្រចាំថ្ងៃ។