ធ្វើKeyboard @HOUY SIVKHEANG🅰️🫶

In English

Student Hand-Solders Custom DIY Computer Keyboard for Final Project

After viewers asked about a keyboard featured in a recent video, a creator revealed that he hand-built and soldered the device himself over four to five hours. The custom keyboard uses a microcontroller to convert row and column wiring matrix signals into keystrokes sent via USB to a computer. He explained that he and a classmate made it as a final project for their computer course after getting the idea while browsing TikTok.

The story

បន្ទាប់ពីទទួលបានការចាប់អារម្មណ៍ខ្លាំងពីអ្នកទស្សនា យុវជនម្នាក់បានបង្ហាញពីការបង្កើតក្តារចុចកុំព្យូទ័រដោយខ្លួនឯង ដែលជាស្នាដៃកើតចេញពីកិច្ចការគម្រោងបញ្ចប់ការសិក្សាក្នុងថ្នាក់កុំព្យូទ័រ។

កាលពីពេលថ្មីៗនេះ បន្ទាប់ពីការបង្ហោះវីដេអូបង្ហាញពីឧបករណ៍បំពងសំឡេងរួចមក អ្នកទស្សនាជាច្រើនបែរជាបង្ហាញការចាប់អារម្មណ៍ខ្លាំងលើក្តារចុចដែលមាននៅក្នុងវីដេអូនោះទៅវិញ។ អ្នកទស្សនាបានចោទសួរអំពីប្រភពទិញ តម្លៃ និងទំហំរបស់វា ប៉ុន្តែម្ចាស់ស្នាដៃបានបញ្ជាក់ថា ក្តារចុចនោះមិនមែនជាទំនិញទិញពីទីផ្សារនោះទេ គឺជារបស់ដែលខ្លួនបានផលិតឡើងដោយផ្ទាល់ដៃ។

ចំពោះការដំឡើង ក្តារចុចនេះត្រូវបានតភ្ជាប់ និងផ្សាខ្សែភ្លើងដោយដៃទាំងអស់ ដែលបានចំណាយពេលផ្សារប្រមាណពី ៤ ទៅ ៥ ម៉ោង។ បើទោះបីជាបណ្តុំខ្សែភ្លើងមើលទៅមានភាពរញ៉េរញ៉ៃបន្តិចក្តី ប៉ុន្តែវាដំណើរការតាមរយៈប្រព័ន្ធជួរឈរ និងជួរដេក។ នៅពេលចុចប៊ូតុង ខ្សែភ្លើងនៃជួរទាំងពីរនឹងប៉ះគ្នា រួចបញ្ជូនសញ្ញាទៅកាន់ប្រព័ន្ធ Microcontroller ដើម្បីបម្លែងទៅជាអក្សរ និងបញ្ជូនទិន្នន័យបន្តតាមរយៈខ្សែ USB ទៅកាន់កុំព្យូទ័រ។

ចំពោះប្រភពនៃការបង្កើតនេះវិញ គឺផ្តើមចេញពីពេលដែលលោក និងមិត្តភក្តិកំពុងសិក្សាម៉ោង Computer ទី២ និងទី៣ ហើយគ្រូបានដាក់កិច្ចការគម្រោងបញ្ចប់ការសិក្សាឱ្យធ្វើ។ ខណៈពេលដែលមិនទាន់ដឹងថាត្រូវធ្វើអ្វី មិត្តភក្តិរបស់លោកបានអូសទស្សនាលើបណ្តាញសង្គម TikTok ហើយបានឃើញគេលក់ក្តារចុច ក៏បានបបួលគ្នាសាកល្បងធ្វើ រហូតឈានដល់ការបង្កើតក្តារចុចនេះឡើងបានសម្រេចពិតប្រាកដតែម្តង។