Introducing Project IVY

The story

កញ្ញា តាន់ សម្ភ័ស្រ និស្សិតមកពីខេត្តសៀមរាប បានប្រកាសពីការបង្កើតក្រុម Project Ivy ក្នុងគោលបំណងជួយណែនាំដល់សិស្ស និស្សិត និងអាណាព្យាបាល ក្នុងការត្រៀមខ្លួនដាក់ពាក្យស្នើសុំអាហារូបករណ៍ទៅបន្តការសិក្សានៅក្រៅប្រទេស។

កញ្ញា តាន់ សម្ភ័ស្រ បានរៀបរាប់ថា កញ្ញាផ្ទាល់គឺជាកូនកសិករម្នាក់ ប៉ុន្តែដោយសារឥទ្ធិពលនៃការអប់រំ កញ្ញាទទួលបានអាហារូបករណ៍ពេញលេញទៅសិក្សានៅសាលា Jaypres School Academy ក្នុងខេត្តសៀមរាប, Eglon College នៅប្រទេសស្វ៊ីស ព្រមទាំង Kenyon College និង Harvard University នៅសហរដ្ឋអាមេរិក។

ដោយក្តីស្រឡាញ់លើវិស័យអប់រំ និងការមើលឃើញថាយុវជនកម្ពុជាជាច្រើនមានសក្ដានុពលខ្ពស់ និងភាពឆ្លាតវៃ ប៉ុន្តែនៅខ្វះការណែនាំ និងការជ្រោមជ្រែង ទើបកញ្ញាព្រមទាំងមិត្តភក្តិដែលសុទ្ធសឹងជានិស្សិតធ្លាប់ទទួលបានអាហារូបករណ៍ទៅក្រៅប្រទេស បានរួមគ្នាបង្កើតក្រុមប្រឹក្សា Project Ivy នេះឡើង។

គម្រោង Project Ivy នឹងដើរតួនាទីក្នុងការជួយដល់ប្អូនៗនិស្សិតក្នុងការរៀបចំគម្រោងសិក្សា ព្រមទាំងប្រវត្តិរូបផ្ទាល់ខ្លួន ដើម្បីបង្កើនអត្រាទទួលបានជោគជ័យកាន់តែខ្ពស់ ក្នុងការទទួលបានអាហារូបករណ៍ទៅសិក្សានៅបរទេស។