Kieslect elfin review

The story

Kieslect បានបង្ហាញនាឡិកាឆ្លាតវៃ Elfin ដែលជាប្រភេទនាឡិកាសម្រាប់មនុស្សស្រី ដោយមានការរចនារូបរាងស្ដើងស្អាត និងបំពាក់មុខងារតាមដានសុខភាពព្រមទាំងមុខងារឆ្លាតវៃជាច្រើន។

នាឡិកា Elfin ត្រូវបានផលិតឡើងយ៉ាងប្រណីតទាំងតួខ្លួន កែមអេក្រង់ និងខ្សែ ដោយផ្ដល់នូវជម្រើសពណ៌ដូចជា ពណ៌តភ័ក្រ ពណ៌មាស និងពណ៌ខ្មៅ។ នៅខាងក្នុងប្រអប់មានផ្ដល់ជូនខ្សែចំនួនពីរ គឺខ្សែដៃ និងខ្សែស្បែកសម្រាប់ផ្លាស់ប្ដូរតាមតម្រូវការ។ នាឡិកានេះបំពាក់អេក្រង់ទំហំ ១.៣២ អ៊ីញ ប្រភេទ AMOLED display ដែលផ្ដល់កម្រិតពន្លឺ និងពណ៌ច្បាស់ដិត ព្រមទាំងគាំទ្រមុខងារ Always on display និងអាចប្ដូរ face watch បានច្រើនជម្រើស។

ទាក់ទងនឹងសមត្ថភាពដំណើរការ នាឡិកានេះមានសេនស័រសម្រាប់វាស់ចង្វាក់បេះដូង កម្រិតស្រ្តេស កម្រិតអុកស៊ីសែនក្នុងឈាម និងតាមដានដំណេក។ សម្រាប់អ្នកហាត់ប្រាណ វាក៏មានមុខងារកីឡាដែលអាចតាមដានកាឡូរីដែលបានដុតបំផ្លាញ និងវាស់ចំនួនជំហានដើរផងដែរ។

លើសពីនេះ នាឡិកា Elfin មានមុខងារ Bluetooth calling ដែលអាចឱ្យអ្នកប្រើប្រាស់ទទួលការហៅទូរស័ព្ទ និងនិយាយឆ្លើយឆ្លងបានយ៉ាងច្បាស់តាមរយៈម៉ៃក្រូហ្វូន ព្រមទាំងមានមុខងារ Remote camera សម្រាប់បញ្ជាចុចថតរូបចេញពីនាឡិកាបានភ្លាមៗ។ នាឡិកាឆ្លាតវៃនេះ មានដាក់លក់នៅហាង Kieslect Cambodia។